البنتHAPPY والولدHALF LIFE

البنت Happy والولد Half life

السلام عليكم ورحمة الله وبركاته

شج الجو باهي
ما علينا اهو بنخش في الموضوع طول
الموضوع عن الفرق بنت البنت الصغيرة الهابي والولد الصغير الهاف لايف

البنت الهابي Happy

1- البنت منهم تنوض على صوت الكناري والبقلينو في دارها (هذا البقلينو لو ما كانتش هابي هلبة)
- سوسوسوسو

2- تخش الحمام تدير دوش .... وتغسل شعرها بشامبو لا دموع بعد امبارح من ايطاليا .... وتحط
كريمة على الشعر زي اللي يجيبو فيهم في أفلام الخيال العلمي واللي جايبينها من فرنسا وتغسل سنونها بمعجون
سنيغال تو أه قصدي سيجنال تو وفرشاة سنونها هي الفرشاة الالكترونية اللي تتحرك بروحها من الاخير تنبلة .....
.... ياحسرة بالله على ايامات السواك والفحم الأسود.....

3- المهم تطلع صاحبتنا من الحمام تلاقي الخدامة مستنيتها بفوطه
من حريييييير
وتبصر معاها وتنكت بالانجليزي وهي طبعا مستمخة وفاهمتها ....
- الخدامة طبعا معاها دكتوراه من جامعة اسفخص في
لندن

4- بعدها تخش في الدار متاعها ... وتفتح الدولاب وتطلع منه
حوايجها المحددات واللي صنة داوني طالعة منهم تفحفح .....
يعني حتى لونست ماحطتش صنة يمش حاله (وهادي استحالة انها تنسى من صغرها)

5- وتجيب كندرتها من دولاب الكنادر(اشيه ..شوف بالله عندهم دولاب كنادر) ...
اللي مليان كنادر(مش دولاب بس ومليان ايح ايح) وسبيدروات وشباشب على احدث الطرازاات ...
تقول خشيت توكيل تمبرلاند او كاتربيل او زيكو -

6- طبعا تنزل تفطر مع مامي وتاتي (يعني دادي) ... والفطور كورن
فليكس بطعم الفراولة (يــــاي.... ياختي كميلة ياختي)

7- بعد ما تكمل فطورها تسلم على مامي وتبوسها طبعا بعد مامي ماتكون حطتلها
فطورها في الشنطة وفوطة باش تمسح ايديها ومعدات صالة التجميل وشوية ستوك لزوم السمكرة ,,,
ومزيل عرق لفمها قصدي معطر جو لفمها تي قصدي
شنو اللي يسمو فيه هذا اللي يبخبخو فيه في فمهم باش ديما صنة فمها تكون ...واووو ...
قدام الطلبة والمدرسين
بدخخخخخ

8- قبل ما تطلع ماتنساش تسلم على تاتي(دادي) باش يعطيها مصروفها (شوف باش هادي للسببية يعني تسلم عليه باش ....اسفخص بنات اخر زمن)
طبعا مصروفها حيكون بالدولار ..... لأنهم مش خاطم عليهم حاجة
اسمها دينار ليبي طبعا
- دينار يااااااااي ؟؟؟؟ تي هادي عملة انكردت (انقرضت) من زمااان.

9- تطلع من الحوش بعد ما الخدامة ماتلبسلها الشنطه
متاع الكتب على ظهرها ..
- طبعا الشنطة اللي فوق كتفها ما تحلمش تشوفها الا في قرية جنزور او الريجاتة
او حتى لومشيت للمطار عند الناس الاجانب بس

10- تركب الباس(الباص) متاع السكول (لحد توا ما تعرفش تقول مدرسة صعبة النطق بالنسبة ليها)
وتقول باااااااااي) للخدامة ولمامي ... (بوها عاد يبرا يروح خلاص خدت منه اللي تبيه)
وتركب مع صاحباتها وعاد يقعدو يغنو بالانجليش (انجليزي) او الفرينش (فرنساوي)
لو بيغنو بالفرنساوي حسب ما نتفكر اكيد حيغنو اغنية
- فريدرو جاكم .... فريدرو جاكم ... دور من تقــول
شوفيلي ماكينة .....شوفيلي ماكينة....... دينج دانج دو

اما الولد الهاف لايف half-Life

1- طق ديييييييييييييييييييب بخخخخخ....هادا صوت الرشادة اللي وصلت في دمنقله
بعد ما حذفها عليه خوه الكبير اللي ليه ساعتين ينوض فيه

2- الفرخ من النوعية هادي ماتعرفش اختراع اسمه (غسل الوجه)
هذا اول ما ينوض من النوم
هو شوية صياحات وعراك مع اخواته ويبقى
صحصح على الآآآآآآآخر ....
- بدل تمارين الصباح ... رياضه حتى هي...

3- طبعا بعد بعد التمارين اللي دارها مع خوته حيجوع اكيد ... تلاقيه
يلف ويحوم في الحوش ويدوّر في
المطبخ (خلي نقولو بقايا مطبخ) على اي حاجه..... ان شالله زقرلو ميت ..
حاياكله من الجوع
- على خاطر هكي الحوش محظور على الزقرلوات انهم يعيشو فيه

4- بعد ما يحط في بطنه اي حاجه في طرف خبزة بايتة ويابسة
يبدأ يدور على اي شلتوتة يلبسها .... السورية ملوحة تحت رجل السرير
وينحي السروالاللي لابسه خوه اللي اصغر منه وهو راقد
اخوه الصغير البنطلون
حوايجه طبعا كلها معكرشة تقولوش طالعه من فم ديناصور

5- بعدها يبدأ في عملية التنقيب عن اي سبيدرو اللي مش عارف حاطها وين
وخوه الكبير اللي نوضه شافه كيف طلع من الحوش بشبشب صبع
يعني اكيد مش هو اللي خداه... اه اتفكر
انه حاطط السبيدرو فوق الحيط ومدايرهم مرمى لما كان يلعب في كورة
طبعا ما يعرفش اختراع اسمه الشخاشير

6- توا طبعا معاد حرب كل يوم .
يااااام اسمعي انت يا مراة .. نبي فلوس
ترد عليه : فلوس شنو يعطيك دعوة... انت مش اخديت امبارح
.. ولا كل يوم فلوس فلوس شنو تسحابنا لاقينهم في الشارع
طراخ دييييب ... بوووووووووووم
هادا صوت الطنجرة فوق راصة

7- عاد صاحبنا .... مايعرفش وين الكتب متاعه
ولا حتى وين كراساته اصلا .... فياخد اي كتاب يلاقيه قدامه في الحوش واي كراسة حتى لو كانت مذكرة تلفونات متاع بو
مايعرفش يعني حاجة اسمها قلم .... غير اللي ياخد فيه على قفاااه

8- كيف يمشي مدرسته لو كانت بعيدة .... يتشعبطله على اي ايفيكوويعيش حياته
اهو ليااااااااااااااااااااااااااااقة -

في طابور المدرسه

البنت الهابي

1-طبعا البنات كلهم واقفين في صفوف شكلها يبهج الخاطر (حلوة يبهج الخاطر)
صف على شكل فراشة وصف تاني على شكل مش عارف شنو..
مستمخين في حياتهم

2- مدرسة الرياضة تعلمهم اصول تمارين الرجيم ونظام الفافي متاع (آه... إيييي ) و ( آه.. أوووه) ....
طبعا أسألوهم انتم يعني شنو النظام اللي فات لأنه لحد توا مش عارفه انا
- على انغام الدي جي (شكرمون عمر دياب)

3- الاذاعه المدرسيه .... اخبار من مجلات
واشنطون بوست او نيوز تايم
وطبعا الاخبار مش مترجمه
يعني شوف روحك

4- يغنو النشيد الوطني بقيادة المايسترو فريد الأعور
نسخة ليبية من الفنان فريد الأطرش متخرجين من نفس المعهد متاع المعاقين

5- بعد ما يكملو نشيدهم يطلعو للفصول متاعهم وكأنهم ملايكه (قالك ملايكة) أو فراشات )... يا رب سامحني على الكذبة)
وبحماس ونظاااام
تقريبا والله أعلم انهم يحبو مدرستهم سبحان الله .
استغفر الله يارب استغفر الله يارب
اللهم لا تحاسبنا بما فعل السفهاء منا يارب العالمين

الولد الهاف لايف

1-يخش المدرسة وحالته حالة بعد ما علق عليه مدير مدرستهم وهو يخنس من فوق السور
باش يعرف لو كملو الطابور الصباحي او لا (ما عنداش خلوق يحضر الطابور)
بعد التذنيب والشتيمه وكفين على الماشي من مدرس الرياضة ... ينضم لباقي
صحابه في المعتقل ...آه قصدي... لباقي صحابه في
المدرسه
2- ولا واحد منهم فاهم ولا يعرف هو وين أصلا ...
واتضح بعد تمحيص وتدقيق لكل واحد منهم ان صاحبنا أكتر واحد انيق فيهم (ايوا احني يا جنتل)

3- (احم احم الإثاحه المسلكية آه قصدي الازاحة المثلثيه) طبعا هذا واحد في الاذاعة المدرسية
يبي هو مش يبي يبي قصدي مشروع محاولة انه يقول الاذاعة المدرسيه
- يعني من الأخير نسيبكم مع خيالكم وتخيلو باقي الأخبار منه هو كيف حتكون

4- وطبعا في وقت النشيد الوطني تلاقيه يقول في نشيد لدولة مجهولة هذا لو كان نشيد اصلا... وخاطري نعرف اي دولة
وكل واحد يتمتم ويهتري على مزاجه
طبعا يقولو النشيد على موسيقى آلات النفخ .... واللي هي صوت فقاقيع الإرجيلة
من القهوة اللي قدام مدرستهم ومجموعة من الطلبة الهاربين هم اللي يعزفو فيها

5- طبعا بعد ما يتم النشيد كل واحد يفكر كيف يمنع بس وين عندك عليهم حراسة مشددة تقول سوق سعي
وفي محاولتهم انهم يركبو كل واحد يخش في التاني قبل ما المدير يطلع من الادارة لأنه لو طلع تلاقيهم
اصطفو صف واحد مش عارف كيف
(( هادم طبعا يخدمو بالطاقة البصرية التفنيصية اللي ينتجها المدير ))
((وخاصة لو كان مدير زي مديري انا والسكل زمان عنده طاقة تفنيصية رهيبة))

المهم بعد ما يتم اليوم الدراسي كل واحد يرجع للحوش بنفس الطريقة
وغدوة كان سخر ربي او بعد غدوة على حسب عندي امتحان او لا
نكمللكم بقية يومهم شنو يصير

يلا انستوووووووو
لا تنسوا الردود Very Happy

» ccccccccccccccccity life
» أدخل و حمل اللعبه الرائعة The Sims 2 Apartment Life و عش حياتك